Chakravyuhama Nepalko Jalsrot – Dwarika Natha Dhungel

ऐनारूपी यस पुस्तकमा लेखकले जलस्रोत सचिव छंदा कति ठाउँमा हेपिनु, खेदिनु र खप्की खानु पो ती सबै सन्दर्भ उल्लेख गरेका छन्। साथै सरकार के हो? राजनीति के हो? राजनीतिक पार्टी के हुन्? नेता के हुन्, कस्ता हुन्? उनीहरु कोबाट परिचालित छन्? कसका अगाडि निरीह देखिन्छन्? त्यसको छनक पनि यो सामग्रीमा सहजै पाइन्छ तर पढ्ने धैर्य भने अवश्य चाहिन्छ।
भैरव रिसाल, वरिष्ठ पत्रकार

यो पुस्तक पढेपछि महाकाली सन्धिमा को कृष्ण, को कौरव, को पाण्डव अनि को शकुनि? छुट्याउन पाठकलाई समय लाग्ने छैन। साथै विदेशी कम्पनी र दूतावासका कर्मचारीहरू नेपालमा जलस्रोतसम्बद्ध योजना हात पार्न केसम्म गर्न तयार हुँदा रहेछन् भन्ने बुझ्न पनि कठिनाइ हुने छैन। यसबाहेक नेपालको जलस्रोतका बारेमा अध्ययन अनुसन्धान गर्न चाहनेका लागि त यो सुनखानी नै हो।
सन्तबहादुर पुन, पूर्व विशेष अधिकृत (अफिसर अन स्पेसल ड्युटी), जलस्रोत मन्त्रालय